Nous Jehan et Margueritte Paulmeret
de Villers soubz Escot au lieu de grand Jehan
Paulmeret est commungs en biens Scavoir
faisons a tous que pour nous et nos hoirs
de nos plain gré pure et franche volonte
sans force ny contraincte nous avons
recongnu et confessez comme nous faisons
par cestes Que nous sommes subiectz
originelz de Condition mainmortable taillable
et corveable d’honnore Sieur Dele de Moligny
Seigneur de Dampierre La Coste Servance Thil en Champaigne six absant, Mre
François Garnichey son procureur avec le
notaire et commis soubsigne pour luy
presentz stipulantz et acceptantz, et que
soubz la Seignoirie de mondict Sieur nous
tenons et possedons les meix maison
et heritaiges cy apres declarez estans
de laditte condition mainmorable taillable
et corveable pourtant lodz Justice
haulte moyenne et basse le droict de
Retenue avec la mainmorte le cas
advenant.
Premierement une pourtion de maison
size audict Villers contenant poille cuisine
chambre et establerie ainsi que le tout
se comporte que sont six partz les douze
faisant le tout partant avec nos personniers
ladicte maison appellée Chis Paulmeret
entre les Jehannotz d’une part et d’aultre
par devant le communal et par derrier
les prelz
Item ung curtil seant audict Villers au
lieu dict es Grande Oiche contenant environ
demy coupot entre les Jannotz d’une part et d’aultre
Auquel curtil George Boussardet a le tier
Item ung vergier au bout dudict curtil
contenan environ Raize eschilles de foing
entre les Paulmeretz d’une part et d’aultre
partant pour ung tier avec ledit George
Item une Oiche au lieu dict vers le molin
contenant environ ung coupot entre le
bois d’une part et Pierre Montemont d’aultre
partant comme devant
Item une piece de terre au lieu dict en
Brancivaulx contenant environ quatre
quartes entre les Jehannotz d’une part et
d’aultre partant comme dessus
Item au lieu dict sur la Coste une aultre
piece contenant environ cinq coupotz entre
Jehan Cuson d’une part et Jacques Paulmeret
d’aultre partant comme devant
Item une aultre piece en montvillers contenant
contenant [sic] environ une quarte comble entre
les Paulmeret d’une part et d’aultre partant
comme la precedante
Item au lieu dict en Recelle une aultre piece
contenant environ trois quartes entre Jehan
Duzelle d’une part et Jehan Paulmeret d’aultre
partant comme dessus
Item en nervaulx une aultre piece contenant
environ deux quartes entre le bois d’une part
et le communal d’aultre partant comme devant
Item au lieu dict en Melivaulx une aultre piece
contenant environ cinq coupotz entre Jacques
Paulmeret d’une part et Jehan Belot
d’aultre partant comme dessus
Item au lieu sur Reuge une aultre contenant
environ trois coupotz entre Jacques Paulmeret d’une part
et Jehan Cuson d’aultre partant comme la precedante
Item audict lieu une aultre piece contenant environ
deux quartes entre Jehan Cuenin d’une part et les
heritiers Jehan de Villers d’aultre partant comme
dessus
Item au lieu dict en la combe une aultre contenant
environ deux quartes entre les Cordiers d’une part
et le communal d’aultre partant comme devant
Item en Bonvaulx une aultre piece contenant environ
deux quarts entre nos personniers d’une part et d’aultre partant comme dessus
Item en Villamont une aultre piece contenant
environ trois quartes entre les heritiers
Pierrot Ponnot d’une part et les Cuson d’aultre
partant comme devant
Prelz
Item une piece de prel de la Chaulsi.. du
molin contenant environ ung chart de foing entre
les bois de mondict Sieur d’une part et d’aultre
partant comme dessus
Item ung peu plus bas ung aultre prel contenant
environ ung valemont entre le bas dudit Villers
d’une part et les Montemont d’aultre partant
comme dessus
Item au lieu dict en Genivaulx ung aultre
prel contenant environ ung valemont entre
noz personners d’une part et d’aultre partant
comme la precedante
Item audict lieu encore ung valemont entre noz
personniers d’une part et d’aultre partant comme devant
Item audict lieu aussi ung valemont entre noz
personniers d’une part et d’aultre partant comme les
precedantz
Item encoire audict lieu aussi une aultre piece contenant
environ ung charrot de foing entre nosditz personniers
d’une part et d’aultre partant comme dessus
Item au lieu dict en la couhay une aultre piece
contenant ung valemont de foing entre Jehan
Cuson d’une part et Claude Febvre d’aultre
partant comme dessus
Item y Champt du pray une aultre piece
contenant raize eschilles de foing entre
Guillaume Belot d’une part et Anthoine Cuson
d’aultre partant comme les precedantz
Item au lieu dict de Grand Oiche une aultre
piece contenant aussi raize eschilles de
foing entre Jehan Febvre d’une part et Jehan
Paulmeret d’aultre partant comme dessus
Item au lieu dict en Melivaulx une aultre piece contenant aussi raizes eschilles de foing
entre noz personniers d’une part et d’aultre partant
comme dessus
Item au lieu dict la Meratte contenant environ
deux valemonts de foing entre Jacques
Paulmeret d’une part et Humbert Ponnot d’aultre
partant comme devant
Item ung aultre prel dict le Costay contenant
ung valemont entre le communal d’une part
et d’aultre partant comme devant.
Pour lesquelx meix maison et heritaiges
… nous lesdit recongnoissons confessions
debvoir prochain an a monseigneur ses successeurs
et ayant … les tailles poules corvees
choses suyvant assavoir ung chacun jour de feste
Sainct Michiel archange unze solz este… et
au jour de feste annonciation …. donne en
mars sept deux solz demy une douzieme …
de taille, et une gelyne aussi chacun an au
jour de Caresme.. item trois
corbers de bras … de la faulx et
deux de faulcille et …. quant
elles sont commandees de force
fournissant par Monseigneur de ..
de bouche tout le jour … celles
de faulcilles et ratteaul que lon ne
donne la souppe synon une michotte
de pain … et quant elles ne sont
commandees … confessons debvoir pour
icelles quatre solz estevenant assavoir deux
solz pour celles de la … et ung sol pour
chacun des deux aultres payables audit
jour de sainct Michiel en … choix
de monseigneur plus de contribuer
aux charrois pour la reparation du
molin de monseigneur estant au finaige dudit
Villers soubz Escotz parmy les despens et
michottes accompli… de donner du
passe et aussi su.. tenuz de faire le
guet et garde a la porte du chastel
dudit Dampierre en temps d’emynant peril
quant il est commande et de parois
a la monstre d’armes audit Dampierre quant
il commande lesquelles choses avant nous
donnions par denombrement et declaration a
monseigneur soubz gratification pa.. …
que se ………… quelques choses
de declarer de la recongnoissance et …
quant besoing sera et aussi les …
a proteste de leu faire parvenir en temps
… Promettans nous lesdits
recongnoissant par nos presentes …
donnetz et touschez corporellement sur et
aux saintz evangilles de Dieu es main
de George Vernot de L’Ile notaire et
commis … pa… de la court …
du parlement a Dole soubsigne,
….
passes audit Villers le dixiesme jour du
mois de mars lan mil cinq cent
octante trois Presents Jehan Cuson, Bastien
Cuson et aultres dudit lieu, tesmoings requis.
Jehan
Paulmeret
Marguerite Paulmeret ca 1550-
Version 6.08 Copyright © 1998-2013